फाइल तथा डाटा सेयरका लागि उपयाेगी ९ एप्स

म्यासेज पठाउन, फोटो खिच्न, जरुरी फाइलहरु राख्न र सेयर गर्न हामी आफ्नो मोबाइल फोनमा भर परेका छौँ। पहिले पहिले फोनबाट डाटा तथा फाइलहरु पठाउनका लागि हामीलाई फोनमा प्रयोग हुने डाटा केबलको आवश्यकता पथ्र्यो। तर अब त्यो समय गइसेकेको छ। फाइल तथा डाटा सेयरका लागि अब डाटा केबल बोकेर हिँड्न पर्ने आवश्कता छैन। 

 

अहिले हाम्रो फोनमा विभिन्न किसिमका एप्सहरु राख्न सकिन्छ जसको सहायताले हामी सजिलै डाटा र फाइलहरु सेयर गर्नसक्छौँ। डाटा सेयरका लागि छिटो र सरल हुने केही प्रमुख एप्सहरु निम्न प्रकारका रहेका छन्ः

 

१ एयरड्रोइडः

यो एपको सहायताले फाइलहरु सजिलैसँग सेयर र इन्सटल गर्न मिल्छ। फाइलहरु फोनमा पठाउन उक्त फाइललाई तानेर कुनै एक फोल्डरमा राख्नुपर्दछ। एयरड्रोइडले लोकल वाईफाई वा डाटा कनेक्सनसँग कनेक्ट गर्छ। यसको साहयताले एपीके फाइलहरु पनि इन्सटल गर्न सकिन्छ। एयरड्रोइडले कन्ट्याक्टस् ब्राउसर, म्यासेजीङ ड्यासबोर्ड र डिभाइस लोकेटर जस्ता विशेषता पनि प्रदान गरेको छ।

 

२ जेन्डरः

यो एप एयरड्रोइडसँग मिल्दो जुल्दो छ। इन्टरनेट कनेक्सन नभएपनि वाईफाई हट स्पटका सहयोगले फाइलहरु सार्न सकिन्छ। जेन्डर आफ्नो कम्प्युटरमा पनि इन्सटल गर्न सकिन्छ र सजिलै फोटो, भिडियो, गीत, फाइलहरु आदी हेर्न सकिन्छ । जेन्डरबाट पनि एयरड्रोइड जस्तै फाइललाई तानेर सार्न मिल्छ । निःशुल्क रुपमा जेन्डरलाई आइओएस र एन्ड्रोइड स्टोरबाट डाउनलोड गर्न मिल्छ ।

 

३ सुपरबिमः

एन्ड्रोइड र आइओएसमा काम गर्ने सुपरबिम एपबाट फाइलहरु सेयर गर्न इन्टरनेट चाहिँदैन। यो एपले वाईफाई डाइरेक्ट प्रविधिको माध्यमबाट फाइलहरु सार्छ। यो एपको विशेषता भनेको सर्पोट नगर्ने फाइल (जस्तै–एमपी थ्री)लाई क्लाउड स्टोरेजमा सेभ गर्नसकिन्छ र पछि अन्य एप्स जस्तै–जीमेलका सहायताले सेयर गर्नसकिन्छ ।

 

४ पूसबुलेटः

एन्ड्रोइड र आइओएस डिभाइसहरुमा फोटो, भिडियो, फाइल आदी सेयर गर्न यो एप निकै लाभदायक रहेको छ। पूसबुलेट ब्राउजर एक्सटेनसनले एकै पटकमा लिङ्क तथा फाइलहरु अन्य डिभाइसमा सार्न मद्धत गर्छ। इन्टरनेटमा चलाइरहेको पेज तुरुन्त खोल्न र सेयर गर्न पनि यसले सहयोग गर्छ।

 

५ पोर्टलः

यो एपबाट पनि पूसबुलेट जस्तै सजिलैसँग फाइलहरु सार्न सकिन्छ। पोर्टलले सेयर गरिएका फाइलहरु छुट्टाछुट्टै फोल्डरमा सेभ गर्छ। यदि फोनमा एन्ड्रोइड ५.० ललीपप भन्दा माथिको ओपरेटिङ सिस्टम छ भने फाइलहरु सिधै मेमोरी कार्डमा सेभ हुन्छन्। 

 

६ बीट टोरेन्ट सिङ्कः

यो एपका सहायताले फाइलहरुलाई सुरक्षित तरिकाले सेयर गर्न सकिन्छ। बीट टोरेन्ट सिङ्कले डिभाइसहरु चिन्नका लागि पब्लिक की आर्किटेक्चरको प्रयोग गर्छ र फाइल सार्नका लागि १२८–बीट इन्सक्रिप्सनका साथ बीट टोरेन्ट प्रोटोकलको मद्धत लिन्छ। यसका साथै यो एपल परिवर्तन भएका फाइलहरुलाई पनि अपडेट गर्छ।

 

७ वीट्रान्सफरः

एकै साथ थुप्रै फोटो, भिडियो आपलोड गर्नको लागि यो एपले मद्धत गर्छ । यो फ्री एपबाट एक पटकमा १० जीबी सम्मको डाटा अपलोड गर्न सकिने छ।सेयर गर्न खोजेका फोटो र भिडियोलाई छानेपछि ई–मेल ठेगाना राख्नुपर्छ र वीट्रान्सफरले फाइलहरु अपलोड गर्न सुरु गर्छ। 

 

८ इनफिनीटः

यो एपबाट डेस्कटपबाट क्लाउडका सहायताले फाइलहरु सार्न मिल्छ। यो एप आइओएस र एन्ड्रोइड अपरेटिङ सिस्टममा पनि उपलब्ध छ। तर फाइल सेयर गर्नुभन्दा पहिले नयाँ एकाउन्ट बनाउनु पर्ने हुन्छ र एकाउन्ट बनाइ सकेपछि कुनैपनि ई–मेल ठेगानामा सजिलैसँग फाइल सेयर गर्न मिल्छ ।

 

९ बीट टोरेन्ट सुटः

यो एपबाट एकैसाथ धेरै फोटोहरु सार्न मिल्छ। सेयर गर्न फोटोहरु छानी सकेपछि यो एपले क्युआर कोड उत्पन्न गर्छ। प्रथम तीन सेयरहरु निःशुल्क हुनेछन्। अनलिमिटेड सेयरका लागि भने २ डलर तिर्नुपर्ने हुन्छ।

सामसुङ नोट ५ अगष्टमा आउने, के के छन् त यसका विशेषता?

सामसुङले आगामी महिना अगष्टमा नोट फाईभ सार्वजनिक गर्ने भएको छ । यससँगै सामसुङले ग्यालेक्सी एस सिक्सको डुअल एज संस्करण पनि सार्वजनिक भएको छ।

 

डिजिटाइम्स नामको एक वेबसाइटले यी दुवै स्मार्टफोनका सार्वजनिक गरिने मिति खुलासा गरेको हो । साथै अगष्ट १४ देखि भने ग्राहकले यो स्मार्टफोन खरिद गर्न सक्ने पनि बताइएको छ। 

 

सामसुङले धेरैजसो नोटको सिरिजहरु सेप्टेम्वर महिनामा  सार्वजनिक गर्ने गरेको थियो । तर यसपटक भने अगष्ट महिनामै नोटको सिरिज बजारमा ल्याउने बुझिएको छ। साथै यो नोट फाइभले नयाँ आइफोनलाई टक्कर दिने संभावना रहेको पनि बताइएको छ। 

 

यसका विशेषताहरु यसप्रकार रहेका छन्ः

 

नोट फाइभमा Exynos 7422 चिपसेट रहने छ  । यो धेरै नै शक्तिशाली प्रोसेसर हो जसमा कस्टम मेड CPU, GPU, RAM, स्टोरेज र मोडेम रहनेछ । साथै यसमा ४ जीबीको र्‍याम रहनेछ । साथै यसमा १६ मेगापीक्सेलको क्यामरा रहनेछ । तर सेल्फी क्यामरा के कस्तो छ भन्ने वारेमा भने अहिलेसम्म केही खुलाएको छैन।

 

डिजाइनः

यसमा ५.७ वा ६ इन्चको डिस्प्ले रहने संभावना छ। यसमा मेटलकै फ्रेम राख्ने प्रवल संभावना रहेको छ। साथै यसको व्याक कभर छालाको नभई ग्लास प्यानल हुन सक्ने संभावना  रहेको छ। साथै यसमा २के रिजोलुसन रहनेछ । साथै यसमा ५.४ या ५.५ इंच को एमाेलेड एज कर्व्ड स्क्रिन रहने छ

फेसबुकमा भिडियो हाल्दा पैसा पाइने

फेसबुकमा भिडियो हाल्न रुचाउनेहरुको लागि फेसबुकले खुशीको खबर लयाएको छ। फेसबुकमा आफ्नो मौलिक भिडियो राखेवापत फेसबुकले पैसा दिने भएको छ। फेसबुकको नयाँ सजेस्टेड भिडियो फिचरबाट यो सम्भव हुने भएको हो। यो कुरा बिबिसिको हिन्दी संस्करणकाे वेबपेजमा उल्लेख गरिएको छ।

 

यो फिचरबाट थुप्रै प्रयोगकर्ताका भिडियो क्लिपस् र विज्ञापनहरुलाई मिलेर स्वतः रुपमा एउटा भिडियो तयार हुन्छ र यो भिडियोलाई जति धेरै मानिसहरुले हेर्छन् त्यति नै बढी कमाई हुने बताइएको छ। भिडियोमा भएका विज्ञापनहरुबाट हुने कमाईको ४५ प्रतिशत हिस्सा भने फेसबुकको हुने बताइएको छ। 

 

फेसबुकका अनुसार फेसबुकको वेबसाइटमा दैनिक ४ अर्ब पटक भिडियो हेरिन्छ। विशेषज्ञहरुले फेसबुक भिडियोको दुनियाँमा आक्रमक तरिकाले अघि बढिरहेको पनि बताएका छन्। भिडियोको बदलामा पैसा दिने यो सुविधाले अरु निर्माताहरुलाई पनि आफ्नो कन्टेन्ट फेसबुकमा अपलोड गर्ने बढावा मिल्ने आशा गरिएको छ। 

 

यूट्यूब भिडियो गर्नेहरुलाई त्यसमा देखाइएका विज्ञापनबाट हुने कमाईको ५५ प्रतिशत हिस्सा दिइने बताइएको छ। यही ५५ प्रतिशत हिस्सालाई फेसबुकले प्रयोगकर्ताहरु माझ बाँड्नेछ। 

 

यूट्यूबले आफ्ना प्रयोगकर्ताहरुलाई उनीहरुको भिडियो आफैँ व्यवस्थापन गर्ने सुविधा दिएको छ। तत्कालका लागि केही मिडीया ग्रुप र छानिएका मानिसहरुसँग मिले काम गरिरहेको फेसबुकले बताएको छ। 

यूट्यूबको तुलनामा फेसबुकमा भिडियो खोज्न थोरै मुस्किल हुने भएकाले भिडियो बनाउनेका लागि अप्ठ्यारो हुनसक्छ।